سلام

واسطہ کیا ہو مجھے دنیا کی دارو گیر سے

ہاتھ خالی ہی کہاں ہیں ماتم شبیرؑ سے

سلسلہ جاری ہے صدیوں سے غم شبیرؑ کا

کتنے دل زخمی ہوئے ہیں حرملا کے تیر سے

پوچھتے ہو اب غم شبیرؑ کی تاثیر کو

اب یہ آگے بڑھ چکا ہے منزل تاثیر سے

کون سمجھے صاحب نہج البلاغہ کا مقام

مل گئی تحریر جب قرآن کی تحریر سے

یہ اک ادنی سی کرامت ہے غم شبیر کی

آدمی انسان بنتا غم شبیر سے

تم نے قرآن در بغل جگ میں اندھیرا کر دیا

روشنی کی ہم نے اہلِ بیتؑ کی تفسیر سے

کربلا کی راہ میں حائل تھیں کتنی مشکلیں

نجم پہونچا لڑتا بھڑتا گردشِ تقدیر سے