کلمات قصار
نہج البلاغہ حکمت 112: محبت اہل بیتؑ
(۱۱٢) وَ هٰذَا مِثْلُ قَوْلِهٖ عَلَیْہِ السَّلَامُ
(۱۱۲)
مَنْ اَحَبَّنَاۤ اَهْلَ الْبَيْتِ فَلْيَسْتَعِدَّ لِلْفَقْرِ جِلْبَابًا.
جو ہم اہل بیتؑ سے محبت کرے اسے جامہ فقر پہننے کیلئے آمادہ رہنا چاہیے۔
وَ قَدْ يُؤَوَّلُ ذٰلِكَ عَلٰى مَعْنًى اٰخَرَ لَيْسَ هٰذَا مَوْضِعُ ذِكْرِهٖ.
سیّد رضیؒ کہتے ہیں کہ: حضرتؑ کے اس ارشاد کے ایک اور معنی بھی کئے گئے ہیں جس کے ذکر کا یہ محل نہیں ہے۔
شاید اس روایت کے دوسرے معنی یہ ہوں کہ جو ہمیں دوست رکھتا ہے اسے دنیا طلبی کیلئے تگ و دو نہ کرنا چاہیے، خواہ اس کے نتیجہ میں اسے فقر و افلاس سے دو چار ہونا پڑے، بلکہ قناعت اختیار کرتے ہوئے دنیا طلبی سے الگ رہنا چاہیے۔
