نہج البلاغہ حکمت 430: ناکام کوشش

انسان زندگی بھر تگ و دو کرنے کی باوجود دنیا کی تمام کامرانیوں سے ہمکنار نہیں ہو سکتا۔ اگر کہیں سعی و طلب کے نتیجہ میں کامیاب ہوتا ہے تو اسے بہت سے موقعوں پر ناکامی و نامرادی سے دوچار اور تقدیر کے سامنے درماندہ و سر افگندہ ہو کر اپنے ارادوں سے دستبردار بھی ہونا پڑتا ہے۔ اگر غور کیا جائے تو بخوبی اس نتیجہ پر پہنچا جا سکتا ہے کہ جب دنیا طلب و کوشش کے باوجود حاصل نہیں ہوتی تو اُخروی کامرانی بغیر طلب و سعی کے کیونکر حاصل ہو سکتی ہے۔

دنیا طلبیدیم و به جایی نرسیدیم

یا ربّ چه شود آخرت نا طلبیده