حضرت فاطمہ زہرا: مسلمان عورتوں کے لیے اسوہ کامل ہیں

اگر مریم عیسیٰ کی ماں ہونے کی ایک وجہ سے محترم ہیں تو حضرت زہرا تین نسبتوں سے محترم ہیں

آپ رحمت اللعالمین کی نور چشم ہیں جو اولین و آخرین کے امام ہیں

جن کی بدولت دنیا کے وجود میں جان آئی زمانے میں نیا قانون وجود میں آیا

فاطمہ ان کی زوجہ ہیں جن کے سر پر ”ھل اتیٰ“ کا تاج ہے جو مرتضیٰ، مشکل کشا، اور شیر خدا ہیں

جو ایسا بادشاہ ہے کہ اس کی جھونپڑی اس کا ایوان تھا اور ایک تلوار اور ایک ذرہ اس کا کل سامان تھا

آپ عشق کے دائرے کے مرکز کی ماں ہیں اور کاروان عشق کے سالار کی ماں ہیں

دوسرا بیٹا حرم کے عبادت خانے کا چراغ ہے بہترین امت کے اتحاد کا محافظ ہے

جس نے امت میں سے جنگ و عناد کی آگ بجھانے کے لیے تاج و جواہر کو ٹھوکر مار دی

وہ دوسرا بیٹا دنیا کے نیکوں کا مولا و سردار اور جہاں کے آزاد مردوں کے بازوؤں کی قوت ہے

زندگی کے نغموں میں سوز و گداز حسین سے ہے اور حق والے آزادی کے سبق حسین سے سیکھتے ہیں

اولاد کی سیرت ماں سے بنتی ہے اور ان میں صدق صفا کے جوہر کی نشو و نما ماں سے ہوتی ہے

تسلیم و رضا کی کھیتی کا پھل جناب بتول ہیں ماؤں کے لیے کامل نمونہ بتول ہیں

ایک محتاج کی مدد کے لیے دل ایسا جلا کہ اپنی چادر یہودی کو بیچ دی

فرشتے اور جن سب آپ کے فرمانبردار تھے اور بی بی کی اپنی خوشی و رضا اپنے شوہر کی مرضیوں میں گم تھی

وہ ادب، صبر اور رضا کی آغوش کی پلی تھی جو چکی پیستے وقت بھی قران کی تلاوت میں مشغول رہتی تھی

آپ کو رونے کے لیے کسی تکیے و مصلے کی ضرورت نہیں تھی بلکہ آپ نماز کے دامن میں آنسوؤں کے گوہر بکھیرتی تھیں

آپ کے آنسوؤں کو جبرائیل زمین سے چن لیتے اور شبنم کی مانند عرش بریں پر بکھیر دیتے

اللہ کے احترام کی زنجیر میرے پاؤں میں ہے اور جناب مصطفیٰ کے فرمان کا لحاظ ہے

ورنہ حضرت زہرا کی قبر کے طواف میں زندگی بسر کر دیتا اور ان کی قبر پر تمام عمر سجدے نچھاور کرتا رہتا